Gazeta10

Ambasadori Hill me porosi për Kurtin e Vuçiqin, ide e mirë që Asociacioni do të shtrohet në tavolinën e bisedimeve

Ambasadori amerikan në Serbi, Christopher Hill në një intervistë për televizionin publik serb, ka thënë se është optimist për epilogun e bisedimeve pas takimit që do të ndodhë javën e ardhshme me Kurtit dhe Vuçiq, me gjithë rritjen e tensioneve kohëve të fundit. 

“Sigurisht që kohët e fundit kemi vërejtur një rritje të tensioneve. Mendoj se është e rëndësishme të kuptojmë se ne presim disa takime të rëndësishme nën ndërmjetësimin e BE-së dhe zotit Lajçak tashmë javën e ardhshme. Në një farë mase, ju duhet të shikoni mundësitë dhe të keni besim në ato bisedime kundër këtyre tensioneve në rritje. Personalisht, mendoj se kemi më shumë arsye për optimizëm sesa për pesimizëm”, citohet të ketë thënë ai.

Njeriu i parë i amerikanëve në Beograd kërkoi që të gjitha palët duhet ta frenojnë pak retorikën e tyre sepse “pati disa fjalë të ashpra, që nuk i ndihmojnë shumë këtij procesi”.

Ambasadorit iu përmenden edhe deklaratat e Kurtit për luftën që i dha në disa media, si dhe fjalët propaganduese të Vuçiqit, që tha se “Prishtina po planifikon vrasjen e serbëve në veri”. Hill tha se lloj atmosfere nuk ndihmon kurrë për optimizëm, por se për takimin e ardhshëm ka shumë përgatitje, prandaj edhe beson në përparimin e procesit.

Ambasadori amerikan komentoi edhe deklaratat e bashkëkombasit të tij, emisarit Gabriel Escobar, i cili ka thënë se tema e Asociacionit duhet të jetë temë diskutimi më 18 gusht – kur takohet Kurti e Vuçiq. “Mendoj se zoti Escobar ka vënë në dukje një pikë shumë të rëndësishme. Meqenëse Asociacioni është parashikuar që në fillim të gjithë këtij procesi, është mirë t’u kujtojmë të gjithëve se duhet të jetë në rendin e ditës dhe se duhet gjetur një qasje për të” ka thënë ai.

NË FOKUS

polici serb
Bashkëshortja e policit të plagosur në Lloznicë, zbulon detaje të reja
plaku-600x360
“Mu afrua dhe më pyeti”, mediat serbe thonë se ky është personi i fundit që kontaktoi me Faton Hajrizin
IMG_3764
“Në kamerën e dyqanit të tij…” – zbulohen detaje të tjera se si pretendohet se u kap Faton Hajrizi
fatonn
Orët e fundit të Faton Hajrizit – sa kilometra i bëri nga vendi ku dyshohet se e vrau policin deri te fabrika ku u strehua
Faton12
A e dini që e dashura e Faton Hajrizit, është vajza e komandantit të njohur të UÇK-së?
pamjee
Publikohet fotografia e Faton Hajrizit të vrarë
lloznice
Dëshmitarët okular tregojnë se çfarë ka ndodhur mbrëmë në Lloznicë
faton-600x360
“Me kaq e përfundoj…” – A ishte një sinjal ‘zhdukja’ e Faton Hajrizit nga TikTok-u?