
Një i burgosur është arratisur nga Qenda Korrektuese në Dubravë.
Personi i arratisur në Qenda Korrektuese në Dubravë ishte i caktuar në një vend punë në ruajtjen e bagëtive të fermës në qendër.
Për largimin e tij është lëshuar letër rreshtimi dhe është njoftuar edhe policia.
“Shërbimi Korrektues i Kosovës njofton opinionin publik se i dënuari K.B është larguar nga Pavijoni i Gjysmëhapur i Qendrës Korrektuese të Dubravës. I njëjti ishte caktuar me vendpunim në ruajtjen e bagëtive të fermës së qendrës. I njëjti ishte i dënuar me tri vite burgim dhe do të lirohej më, 16.12.2024. Për largimin e tij është lëshuar letër rreshtimi dhe është njoftuar edhe policia”, kanë njoftuar nga Shërbimi Korrektues i Kosovës.