Ish kryetari i Komunës së Mitrovicës, Agim Bahtiri i ka bërë ftesë publike Ministrit të Financave, Hekuran Murati që t’i ekzekutojë pagat e mësimdhënësve pa vonesë.

Bahtiri përmes një shkrimi të publikuar në Facebook, ka thënë se mos-ekzekutimi i pagave do të godiste rëndë mësuesit dhe familjet e tyre në këtë kohë të inflacionit financiar, transmeton Gazeta10.

“Inflacioni financiar i muajve të fundit dhe shpenzimet e shtuara familjare për t’u përgatitur për dimër, domosdoshmërisht që vendosin në vështirësi familjet e mësimdhënësve. Kur shtojmë këtu edhe faktin se shumica prej mësimdhënësve kanë kredi në bankat komerciale, atëherë mos-ekzekutimi i pagave do t’i godiste rëndë mësimdhënësit dhe familjet e tyre.”, ka shkruar ai ndër të tjera./Gazeta10