Në raportin e fundit të matjes së opinonit publik në Ballkan, i njohur si “Balkan Barometer 2022” nga Organizata për Bashkëpunim Rajonal (RCC), jepen shumë detaje për mendimet e qytetarëve në shtetet e këtij rajoni, raporton Gazeta10.

Sa i përket Kosovës, qytetarët thuhet se kanë një rritje të besimit ndaj institucioneve qëndrore, e në veçanti me Institucionin e Avokatit të Popullit si ndër më të besuarit në vend me 44% të pëlqyshmërisë. Avokat i Popullit në Kosovë është Naim Qelaj.

Besimi në drejtësi vazhdon të jetë jo i kënaqshëm, ndërsa kosovarët vazhdojnë të prijnë në Ballkan sa i përket dëshirës së tyre për tu larguar nga Kosova drejt vendeve perëndimore me 59% megjithëse janë optimist për të ardhmen. Kurse e kundërta është Maqedonia e Veriut me 63% që nuk e shohin si opsion largimin. 

Tek bashkëpunimi rajonal, kosovarët në dy vitet e fundit janë më pak optimist për përfitimet dhe duket se qëndrimi i qeverisë Kurti kundër Ballkanit të Hapur ka ndikuar edhe në disponimin e tyre në vetëm 38% nga 76% sa ka qenë në vitin 2020.

Kosova është dukshëm vendi i parë që është përdorues i rregullt i shërbimeve e mjeteve tjera online, ndërsa janë të kënaqur edhe me infrastrukrurën rrugore. / Gazeta10