Kryetari i Mitrovicës, Bedri Hamza ka vizituar në Hagë ish presidentin Hashim Thaçi dhe ish kryetarin  e PDK-së, Kadri Veseli, si dhe Selimin e Gucatin, raporton Gazeta10.

Në një postim në Facebook, ai ka thënë  “ se në Hagë ka pasur një ndër vizitat më emocionale të jetës”.

“Takova Hashim Thaçin dhe Kadri Veselin. Aty takova edhe Rexhep Selimin dhe Hysni Gucatin.Të gjithë ushtarët e lirisë ishin mirë!  Lufta mbrojtëse e popullit të Kosovës ishte e drejtë dhe e pastër andaj kurrë më krenarë se sot nuk i pashë edhe në këtë betejë të tyre. Me besimin e pa thyer që shumë shpejt do të jenë pranë nesh, të lirë siç u takon, u çmallëm e folëm gjerë e gjatë për Kosovën që aq shumë e duan.

Luftës së drejtë të Ushtrisë Çlirimtare të Kosovës nuk do të mundet kurrë askush t’i vë damk” ka shkruar Hamza. / Gazeta10.