Dinamo City sonte në “Air Albania” do të luajë ndeshjen e kthimit të play-offit për inkuadrim në Ligën e Konferencës.

Skuadra e drejtuar nga Ilir Daja nuk do të ketë punë aspak të lehtë kundër ekipit polak, Jagiellonia.

Skuadra polake kishte triumfuar në ndeshjen e parë me rezultat 3-0 dhe skuadrën nga Tirana vetëm një mrekulli do ta dërgonte në grupet e Ligës së Konferencës.

Golat për polakët në atë ballafaqim i shënuan Jesus Imaz, Afimico Pululu dhe Norbert Ëojtuszek.

Jagiellonia është një skuadër me përvojë në arenën evropiane, ku sezonin e kaluar ishin deri në çerekfinale të Ligës së Konferencës.

Përkundër ndeshjes së fundit, Dinamo ka pasur një kampanjë të suksesshme në garat evropiane, ku në raundin e dytë e mposhtën Atletic D’Escaldes, e më pas eliminuan gjigantin kroat, Hajduk Split.

Dinamo është skuadra që ka shkuar më së largu në garat evropiane nga skuadrat shqiptare këtë edicion.

Skuadr nga Tirana në fazën e play-offit hyri pa lojtarin kryesor të saj, Baton Zabërgjën, i cili ka kompletuar transferimin te Metalist në Ukrainë.

Kjo përballje starton me fillim nga ora 20:00.