Gareth Bale është pensionuar nga futbolli aktiv.

Një gjë të tillë e ka konfirmuar vetë sulmuesin uellsian përmes një njoftimi në rrjetet sociale.

“Pas një vendimi të kujdesshëm dhe të menduar për disa kohë, kam vendosur që të pesionohem nga futbolli aktiv. Ndihem me fat që kam realizuar ëndrrën që të luaj sporti që dua. Kam luajtur në nivele të larta për 17 vite, gjë që është e vështirë për tu përsëritur, pavarësisht se çfarë do të bëjë në të ardhmen” thuhet ndër të tjera në njoftimin e Bale.

Përgjatë karrierës së tij, Bale ka luajtur për skuadrat si Southampton, Totteham, Real Madrid dhe Los Angelos.

Bale në karrierën e tij si futbollist ka zhvilluar në total 554 ndeshje, prej të cilave ka shënuar 186 gola dhe ka dhuruar 139 asistime.

33-vjeçari me kombëtaren e Uellsit bëri 111 paraqitje, prej të cilave arriti të shënoi 40 gola.

Në vitin 2013, ai u bë transferi më i shtrenjtë në histori të futbollit, me kalimin e tij te Real Madridi nga Tottenhami për shumën e 100 milionë eurove.