Mos realizimi i takimit ndërmjet kryetarit të LDK-së, Lumir Abdixhiku dhe presidentit të Shqipërisë, Bajram Begaj ka shkaktuar jo pak diskutime dhe reagime në Prishtina.

Ndër më të ashprit ka qenë bashkëpartiaku i tij, Skender Hyseni duke e konsideruar skandal politik.

“Në ditën e dytë të vizitës së tij zyrtare në Kosovë, presidenti Bajram Begaj ka zhvilluar takime me krerët e partive politike, thuhet në njoftimet e medias. Ndërkohë që thuhet poashtu se “Kreu i Lëvizjes Demokratike të Kosovës, Lumir Abdixhiku, paska refuzuar takimin me presidentin Bajram Begaj, duke mos respektuar ftesën e presidentit për t’u takuar në selinë e Kuvendit”. Pretendimi idhnak i Abdixhikut se Presidenti shqiptar duhej të shkonte në selinë e LDK-së për takim, shpërfaq një ego infantile politike të të parit të LDK-së” ka shkruar ai.

Më tutje, Hyseni ka shtruar një pyetje se “përse z. Abdixhiku nuk u bë poaq “ i madh”, me rastin e vizitës së Presidentit të Malit të Zi të cilin, me 19 maj 2022, shkoi ta takonte, madje jo në Kuvend të Kosovës por në hotelin Sëiss Diamond???!!!”