Ministria e Ekonomisë përmes një komunikatë për medie ka bërë të ditur se do të ketë furnizim të rregullt me energji elektrike.

“Duke u nisur nga situata botërore me krizën energjetike që ka prekur edhe rajonin, të gjitha institucionet përgjegjëse po punojnë intensivisht dhe në koordinim për sigurinë e furnizimit me energji elektrike.

Falë kësaj pune dhe bashkëpunimit mes Kosovës dhe Shqipërisë, përkatësisht Korporatës Energjetike të Kosovës (KEK) dhe Korporatës Elektroenergjitike të Shqipërisë (KESH) është arritur që të evitohen reduktimet që nga ora 14:00 dhe të vazhdojë furnizimi i rregullt me energji elektrike“, thuhet ndër të tjera në komunikatë.

Më tej, Ministria e Ekonomisë ka kërkuar nga qytetarët që megjithatë përpjekjeve për furnizim të rregullt me energji, të marrin masa kursimi dhe të jenë sa më të kujdesshëm në përdorimin e energjisë elektrike./Gazeta10