Sekretari i Përgjithshëm i NATO-së, Jens Stoltenberg i dha mbështetje kryeministrit Albin Kurti për sovranitetin e Kosovës, por vazhdon t’i refuzoj simbolet e shtetit.

NATO, qëndrimin neutral ndaj Kosovës, e manifestoi edhe në konferencën e përbashkët për shtyp Stoltenberg-Kurti, duke mos e vendosur flamurin e Kosovës por vetëm atë të Aleancës Veriatlantike, raporton Gazeta10.

Por vetëm dy orë më herët, në po të njëjtën sallë të konferencës, pamja ishte tjetër. Në konferencën me presidentin e Serbisë, Aleksandër Vuçiq, prezent ishte edhe flamuri i Serbisë.

Të njëjtën qasje NATO e manifestoi edhe në njoftimet për media, ku Kurtit i referohet me emër e mbiemër, por pa e përmendur titullin e tij si kryeministër. /Gazeta10