Liria dhe Ulpiana do të sfidojnë njëra-tjetrën, në ndeshjen e cila luhet në kuadër të gjysmëfinales së play-offit në Ligën e Parë.

Dy skuadrat përfunduan të dytat në grupet e tyre respective, andaj përballën në këtë ndeshje.

Liria përfundoi e dyta në grupin A të Ligës së Parë, 3 pikë më pak se vendi i parë Feronikeli ’74.

Në anën tjetër, në pozitën e njejtë përfundoi edhe Ulpiana, e cila në 27 ndeshje kishte grumbulluar 53 pikë, 6 më pak se Fushë-Kosova e cila siguroi plasmanin në Superligë direkt.

Liria edhe sezonin e kaluar arriti në finale të barazhit, duke u përballur me klubin e Malishevës, mirëpo u mposht me penalti.

Ndërsa, Ulpiana, sezonin e kaluar ishte pjesë e Superligës, mirëpo nuk arriti të siguronte mbijetesën, duke përfunduar e 9-ta në tabelë.

Fituesi i kësaj ndeshje luan në barazh ndaj një skuadre nga Superliga, që në këtë rast mund të jetë Ferizaj ose Trepça ’89. Kjo ndeshje luhet të shtunën e 27 majit dhe fillon nga ora 15:00