Ish deputeti i Kuvendit të Kosovës, Rexhep Selimi para trupit gjykues ka deklaruar se “nuk e prisja një aktakuzë ndaj meje, të pabazuar mbi faktet dhe argumente dhe sërish deklarohem se nuk kam të bëjmë asgjë me krimet e pretenduara.
Ai gjithashtu është shprehur se nuk ka frikë nga drejtësia dhe në fund do të vërtetohet pafajësia e tij. “Nuk kam frikë nga drejtësia, por nga padrejtësia duhet të kemi të gjithë. Unë besoj që në fund do të vërtetohet pafajësia ime. Të gjithë së bashku që jemi këtu, pavarësisht dallimeve politike që mund t’i kemi pasur, do ta nxjerrim të vërtetën e UÇK-së, se jemi të pafajshëm”, ka thënë ai.
Rexhep Selimi tutje ka thënë se UÇK-ja nuk ka qenë një ushtri e organizuar mirë. Selimi gjithashtu ka tregur edhe se me plotë mund Kosova u mundu të krijonte një ushtri për të cilën vendi jonë aso kohe nuk kishte një ushtri. “Donim të organizonim ushtri, por nuk ia dolëm, s’ia arritëm. S’kishim njerëz e armë. Ne nuk kishim uniformat por i sajonim, i ngjyrosnim”, ka thënë Selimi, duke shtuar se Kosova s’ka dashur luftë, por ishte e detyruar për mbijetesën si komb dhe shoqëri.