Shqiptarët janë renditur në top 10-shen e prindërve me origjinë të huaj që lindin në Britaninë e Madhe. 

Sipas të dhënave të Zyrës Kombëtare të Statistikave, 3 mijë foshnje që kanë lindur në Britani përgjatë vitit të kaluar, kanë nëna me origjinë nga Shqipëria. 

Shifrat e kësaj zyre janë publikuar nga Daily Mail, transmeton Gazeta10.  

“Shqipëria u zhvendos për herë të parë në dhjetë vendet më të zakonshme të lindjes si për nënat që nuk kanë lindur në Mbretërinë e Bashkuar, e njëjta gjë është edhe për baballarët,” citohet të ketë deklaruar Zyra Kombëtare e Statistikave. 

Sipas shifrave zyrtare, popullësia shqiptare në Britaninë e Madhe aktualisht është më pak se 50,000. Teksa, përgjatë vitit 2019, Shifrat e Zyrës Kombëtare të Statistikave treguan se në Mbretërinë e Bashkuar ishin 47,000 shqiptarë./Gazeta10