Ministri i Shëndetësisë, Rifat Latifi po vazhdon turin e pjesëmarrjes në konferenca ndërkombëtare dhe të vizitave por punët në shëndetësinë kosovare nuk janë të kënaqshme.

Veçmas QKUK vazhdon të përballet me sfida e mungesë të stafit mjekësor që largohen çdo ditë nga aty.

E për ta ilustruar këtë gjendje aspak të këndshme brenda hapësirave spitalore, janë këto video të dërguara nga lexuesit e Gazeta 10.

Në korridoret dhe sallat e repartit të Kujdesit Intensiv vërehen pëllumba e zogj të shumtë që e kanë pushtuar atë pjesë.

Sipas dëshmitarëve që i kanë xhiruar këto pamje, pëllumbat janë të vazhdueshëm, fluturojnë e bëjnë zhurmë duke shkaktuar një atmosferë të pakëndshme dhe erë të padurueshme.

Gazeta 10 fton lexuesit të dërgojnë fotografi dhe video të problematikave të shumta kudo që ato ndodhin.