Zhvillimet e fundit dhe frika për një përshkallëzim të situatës në Lindjen e Mesme po diskutohen sonte në emisionin “politiko” me Kushtrim Sadikun në Kanal 10. 

Analisti, Nexhmedin Spahiu duke folur për situatën atje ka thënë se Izraeli është superior në çdo drejtim, pasi sipas tij, vazhdon ta ketë përkrahjen e Amerikës, por edhe përkrahjen e heshtur të Rusisë.

“Duhet ta kemi parasysh se izraelitet janë superior në çdo drejtim, e kanë përkrahjen e Amerikës, e kanë përkrahjen e heshtur të Rusisë, Kina është asnjanëse edhe kur të arrish më i bë dy polet, mundesh me bë çka të duash, dmth është vetëm mëshira dhe ajo mëshirë nuk po duket që është aq e madhe me veprimet që po i bënë në rajon, sepse përnjëhershëm po godet Libanin, Palestinën, Jemenin, Sirinë, Iranin. Izraeli as nuk e ka pohuar dhe as nuk e ka mohuar vrasjen e presidentit iranian. Kështu që të jesh i rrethuar nga të gjitha anët me të gjithë këta armiq dhe të jesh superior, duke qenë një vend 8 milionësh”, ka thënë Spahiu. /Gazeta 10/