Gazeta 10 që doli online në dy vjetorin e themelimit të Kanal 10 është dizajnuar dhe zhvilluar nga kompania SPINP Agency.

Ekipi entuziast dhe energjik me në krye udhëheqësit e kompanisë, Ardian dhe Armend Aliu kanë punuar me passion për të sjellë tek lexuesi një sajt që është lehtësisht i qasshëm, i kapshëm për sy dhe me ndarje të qarta të rubrikave.

Njëri nga pronarët, Armendi ka përgëzuar ekipin dhe ka rrëfyer për historinë e suksesshme të bashkëpunimit me Kanal 10.

“Urime Kanal10 për lansimin online të dy platformave të reja: Gazeta10 dhe Radio10! Falenderoj shumë ekipin e Kanal10 për besimin në kompaninë tonë SPINP Agency dhe posaçërisht për bashkëpunimin e sinqertë dhe korrekt të Bashmir Xhemaj dhe Fidan Rama! E gjithë kjo punë është bërë nga ekipi i shkëlqyer dhe i palodhshëm i SPINP: Platori, Altini, Bleardi, Drini, Betina. Urime” ka shkruar ai.