Një person ka mbetur i lënduar si pasojë e një vetaksidenti të ndodhur të enjten në magjistralen Prishtinë-Pejë, përkatësisht në Koreticë.

Lajmin e ka konfirmuar zëdhënësi i Policisë, Bajram Krasniqi.

Aksidenti ka ndodhur gjatë pasdites, ndërsa i lënduari është dërguar për trajtim mjekësor.

“Rreth orës 14:35, policia është njoftuar për një aksident trafiku të ndodhur në rrugën nacionale Prishtinë-Pejë (fshati Koreticë). Në aksident është përfshirë vetëm një automjet. Si pasojë e aksidentit një person ka kërkuar ndihmë mjekësore. Njësia e policisë së trafiku është duke u marrë me rastin”, ka thënë Krasniqi.