Hoxhë Mazllam Mazllami ka thënë se pasi ka pasur një darkë me miqtë për daljen e tij në pension, miqtë e tij i kanë bërë dhuratë një makinë, e cila sipas tij është modeste.

“Pasi po iku në pension, ka qenë hedije prej shokëve miqve, të cilëve ju ka ra ndërmend të bëjnë një surprizë makinë modeste, ajo është modeste sepse është e vjetër, nuk është e re. Sikur që e kam të parën edhe ajo e dyta është makinë modeste, por dhurata është e shtrenjtë”, ka thënë ai në Dukagjin.

Kujtojmë se videoja ku hoxhës iu dhurua makina luksoze nga kreu i BIK-ut, Naim Tërnava, është bërë virale në rrjete sociale.