Kryetari i Aleancës për Ardhmërinë e Kosovës, Ramush Haradinaj në rrjetin social Facebook, ka përkujtuar 24-vjetorin e Betejës së Marecit dhe masakrën që ndodhi në këtë vend, ku u vranë mbi 120 civilë.

Haradinaj, përmes një postimi në Facebook, tha se në këtë ditë kujtohet dhe nderohet trimëria e sakrifica e luftëtarëve të UÇK-së.

Ai shtoi se sakrifica e dëshmorëve është motiv për ta dashur atdheun e për ta ruajtur lirinë.

“Sot, në përvjetorin e Betejës së Marecit dhe masakrës në Makoc, Prishtina shënon Ditën e Dëshmorëve.Në këtë ditë kujtojmë dhe nderojmë trimërinë, vendosmërinë e sakrificën e luftëtarëve të Ushtrisë Çlirimtare, të Brigadës 153 Hyzri Talla, gueriljes BIA, si dhe gjithë dëshmorët e martirët!Prilli i vitit 1999 për shumë familje të Llapit e Gollakut që kishin marrë rrugë për t’i shpëtuar masakrave nga armiku, u shndërrua në ditë krimi të paparë. Ushtria, policia dhe paramilitarët serbë në pritën që u kishin bërë, vranë dhe masakruan mbi 124 civilë të pafajshëm, duke mos kursyer fëmijë, vajza, djem, gra e pleq.Sakrifica e të rënëve është gjithëherë motivim për ta dashur Atdheun e për ta ruajtur lirinë – ajo mban emrin e secilit prej tyre.Lavdi e përjetshme!”, ka shkruar ai./Gazeta10