Aplikimi i Kosovës për anëtarësim në Këshillin e Evropës është miratuar nga Komiteti i Ministrave me mbi dy të tretat e votave të nevojshme. Pas këtij lajmi ka reaguar presidentja, Vjosa Osmani, raporton Gazeta10.

Osmani ka falënderuar të gjithë aleatët duke shtuar se së shpejti flamuri i Kosovës do të valëvitët edhe në Këshillin e Evropës.

“Së shpejti, flamuri i Republikës së Kosovës do të valëvitet edhe në Këshillin e Evropës.
Faleminderit aleatëve tanë që sot votuan jo vetëm për Kosovën, por mbi të gjitha për demokracinë, lirinë dhe të drejtat e njeriut”, shkroi ajo./Gazeta10