Emisioni “Kampionët” vazhdon edhe këtë të diel me të ftuar në studio: Faruk Statovci e Bekim Isufi, opinionist të përhershëm, Alban Dragusha (trajner), Tahir Lushtaku (trajner), Behar Maliqi (futbollist) dhe Albin Berisha (futbollist).

Gjatë diskutimit për Superligën e Kosovës, foli edhe Tahir Lushtaku.

Ai foli edhe për Drenicën dhe situatën e saj në elitën e futbollit kosovar, duke përcaktuar disa problem që sollën klubin në këtë gjendje.

“Përzgjedhja e Taulant Dajakut në pozitën e drejtorit sportiv, ishte zgjedhje e dështuar, pasi ai nuk di ta ushtrojë atë pozitë. Atë e ka sjellë në klub Sami Lushtaku”, tha ai.

Tutje, ai tha se interesi personal para interesit për klubin ka sjellë Drenicën këtu.

“Në momentet kur intereset e individëve dolën para klubit të Drenicës, atëherë ishte pika kur klubi morri tëposhtëzën.”, përfundoi ai.