Reshjet e fundit në vend kanë shkaktuar vërshime në disa komuna të Kosovës.

Në disa video të dërguara nga lexues të Gazeta10, shihen rrugët në qytetin e Vushtrrisë që janë përmbytur nga uji pas daljes nga shtrati të lumit Tërrstena.

Për këtë komuna e Vushtrrisë ka shpallur gjendje të jashtëzakonshme.

“Pas vershimeve të fundit që ndodhen në oret e mbremjës situata në teren nuk është aspak e mirë sidomos në daljen nga shtrati të lumit Tërrstena.”, thuhet në njoftimin zyrtar të komunës.

Reshjet kanë shkaktuar përmbytje edhe në disa komuna tjera, porse ende nuk ka të dhëna konkrete për dëmin e shkaktuar.