Emisioni “Kampionët” vazhdon edhe këtë të diel, kësaj radhe duke trajtuar temën rreth trajnerëve kosovarë dhe Superligës së Kosovës.

Të ftuar në studio janë, Liridon Leci, gjersa atij i bashkohet edhe Tahir Batatina, Debatik Curri, Jeton Gashi, Kujtim Zebica dhe Tahir Lushtaku. Në lidhje direkte janë të ftuar edhe Klodian Duro dhe Bledi Shkëmbi.

Gjatë diskutimin për dukurinë e shkarkimeve të trajnerëve në futbollin kosovar,  Klodian Duro tha se zgjedhja e trajnerëve është vendim i presidentëve, i individëve, të cilët përgjigjen për vendimet e tyre.

“Tregu i lirë i trajnerëve, si në Shqipëri e Kosovë, të gjitha klubet drejtohen nga presidentë, të cilët japjn përgjigjësi për vendimet e veta.” – tha ai.

Tutje, ai iu përgjigj pyetjes, se ku është më vështirë të jesh trajner.

“Unë kam qenë trajner në Kosovë e në Shqipëri, mund të them se vështirësia është e njejtë në të dy vendet” – përfundoi ai.