Përzgjedhësi i Kosovës, Franco Foda ka dalë në konferencë për media para ndeshjeve të marsit që Kosova i luan kundër Armenisë dhe Hungarisë.

Foda në konferencë tha se në listën e gjerë ai ka rreth 40 futbollistë dhe nuk mund t’i grumbullojë të gjithë, dhe se lojtarët e ftuar do ta kenë rastin të tregojnë vlerat e tyre.

“Janë dikur rreth 40 deri në 50 futbollistë që i kemi nën vëzhgim. Nuk mund t’i grumbullojmë të gjithë, por jemi munduar që në këtë grumbullim të ftojmë lojtarët që janë në formën më të mirë. Natyrisht që përveç këtyre kemi edhe shumë lojtarë që i shohim si potencial për t’i ftuar për të ardhmen. Secili nga lojtarët do të ketë shansin për ta treguar veten”, deklaroi Foda.