Emisioni “Kampionët” vazhdon edhe këtë të diel, duke trajtuar tema të rëndësishme për futbollin kosovar.

Në studion e emisionit “Kampionët” është i ftuar kapiteni i Suharekës, Yll Hoxha.

Ai pati fjalët më të mira për klubin që ai e përfaqëson, duke bërë me dije se organizmi i mirë te ky klub ka bërë që të hyjnë në çdo ndeshje si favorit.

“Unë kam luajtur në Superligë për shumë kohë. Mund të them se te Suhareka është si me qenë në Superligë. Organizimi është tjetër nivel. Kemi kryesinë për çdo lavdatë. Kemi qenë në fazë përgatitore në Antalia, kemi qenë në mini-përgatitje disa herë, madje kemi hyrë në borxh me kryesinë, duke na paguar edhe më shumë” – tha ai.

Suhareka me Yll Hoxhën janë promovuar në Superligë në sezonin e tyre të parë në histori.