Marigona Osmani u vra më 22 gusht të vitit 2021 në banesën e të akuzuarit kryesor, Dardan Krivaqa, në qytetin e Ferizajt.

Më poshtë janë siguruar pamje nga banesa ku dhe ka ndodhur ngjarja tragjike, e të cilat këto pamje janë administruar si prova gjatë procesit gjyqësor.

Në këto shkrepje nga kamerat e sigurisë vërehet se në radiatorin e banesës së Dardan Krivaqës, ndodhej edhe një shkop bejsbolli.

Në gusht të vitit të kaluar, Dardan Krivaqa u dënua me burgim të përjetshëm, derisa Arbër Sejdiu me 15 vite burgim, i shpallur fajtor për bashkëpjesëmarrje në “vrasje të rëndë”.

Mirëpo, në shkurt të këtij viti, Gjykata e Apelit e riktheu në rigjykim rastin.

Të premten e 24 majit, ishte seanca e rigjykimit, ku Dardan Krivaqa dhe Arbër Sejdiu u deklaruan të pafajshëm, dhe seanca e radhës për këtë rast u caktua për një datë tjetër, ku gjykimi do të vazhdojë me administrimin e provave materiale.

Sipas aktakuzës, Dardan Krivaqa thuhet se më 21 gusht 2021, rreth orës 10:14, në banesën e tij, pa pëlqimin e tani të ndjerës Marigona Osmani, e kishte detyruar atë të kryente marrëdhënie seksuale dhe e kishte abuzuar e maltretuar në forma të ndryshme.

Një ditë më pas, më 22 gusht 2021, Krivaqa dhe Sejdiu akuzohen se kanë privuar nga jeta Marigona Osmanin./Reporteri.net