Sulmuesi i Kombëtares së Kosovës, Milot Rashica, duket se do të qëndrojë te Galatasaray përtej huazimit njevjeçar që e ka te kjo skuadër, transmeton Gazeta10.

Siç raportojnë mediat turke, Rashica e ka bindur trajnerin e skuadrës turke Okan Buruk dhe Galatasaray dëshiron ta blejë kartonin e sulmuesit nga Vushtrria.

🗞Norwich'ten kiralık olarak Galatasaray'a gelen Milot Rashica'nın takıma büyük katkı yapacağına inanan Sarı-Kırmızılılar, Kosovalı oyuncunun bonservisini almak için elini çabuk tutacak. (@Metin_Karabas)

➡https://t.co/AFWO6ssqen pic.twitter.com/8cT72RZXiz

— Fanatik (@fanatikcomtr) September 21, 2022

Gjithnjë sipas mediave turke, sulmuesi nga Kosova është shumë i lumtur me jetën në Stamboll dhe që është pjesë e një top klubi si Galatasaray.

Te gjiganti turk janë të bindur se Rashica do të shpërthejë në elitën e futbollit turk dhe kryesia e Galatas kanë nisur bisedimet me Norwichin për blerjen e sulmuesit ‘Dardan’.

Rashica gjatë afatit kalimtar veror kaloi te Galatasaray në formë huazimi nga ekipi anglez Norwich City.

26-vjeçari debutoi në ndeshjen ndaj Kasimpasa, ndërsa pas pushimit të ndeshjeve me Kombëtare, ai pritet të ketë më shumë minutazh.

Nga shitja e Rashicës, Norwich City pritet të përfitojë rreth shtatë milionë euro. /Gazeta10/