Ambasadori i Shteteve të Bashkuara të Amerikës në Serbi, Christopher Hill, ka thënë se Serbia ka nevojë të pavarësohet nga Rusia në energji, raporton Gazeta10.

Hill ka thënë se nuk komenton përpjekjet e Serbisë për lëvizjet e saj rreth tubacioneve të reja të naftës por ka thënë se Serbia duhet të largohet nga Rusia sa i takon burimeve të energjisë.

“Hill, duke iu përgjigjur pyetjes së një gazetari se si e sheh ai marrëveshjen ndërmjet Serbisë dhe Hungarisë për ndërtimin e një tubacioni nafte që do t’i mundësonte Serbisë të furnizohej me “naftë më të lirë nga Uralet duke u lidhur me tubacionin e naftës Druzba”, gjë që u konfirmua nga autoritetet hungareze, tha se nuk është në gjendje të komentojë për këtë, sepse nuk i di detajet, por se Serbia duhet të largohet nga Rusia në çështjen e burimeve të energjisë”, shkruan Tanjug, raporton Gazeta10.

Hill ka thënë se Uashingtoni mbështet përfaqësuesit e Bashkimit Europian për zgjidhjen e mosmarrëveshjes mes Kosovës dhe Serbisë.

“Ambasadori i Shteteve të Bashkuara të Amerikës në Beograd, Christopher Hill, tha sot se Uashingtoni mbështet interesin e përfaqësuesve të lartë të BE-së për zgjidhjen e problemit në “marrëdhëniet ndërmjet Beogradit dhe Prishtinës”.

Hill ka thënë se para se të vinte propozimi francezo-gjerman për dialogun Kosovë-Serbi, ka pasur diskutime mes ShBA-së dhe BE-së për këtë temë.

“Hill, duke iu përgjigjur pyetjes së një gazetari, pas një leksioni të mbajtur në Akademinë Kombëtare ku foli në konferencën “Administrata amerikane përmes prizmit të një diplomati karriere”, tha se përpara propozimit të Francës dhe Gjermanisë, janë zhvilluar diskutime të gjera mes SHBA-së. dhe BE, si dhe BE me përfaqësues të Beogradit dhe Prishtinës”. / Gazeta10