Vendimet e qeverisë në detyrë të lidhura me pjesën veriore të vendit u përcollën me kritika nga BE për mos veprime të njëanshme.

Një gjë e tillë, sipas ministrit në detyrë të MAPL-së, Elbert Krasniqi nuk po ndodh, pasi deri në vendosjen e gurthemelit të dy urave atje, u plotësuan të gjitha kriteret e nevojshme nga jugu e veriu.

“Ne kemi kordinim shumë të mirë, të dy kryetarët ai jugut dhe i veriut janë përkujdes që të gjitha lejet dhe njësitë e nevojshme të sigurohen. Sot kur ka filluar, të gjitha lejet e nevojshme janë të siguruara. Nuk besoj se ka adresë që është kundër lëvizjes së lirë”, tha Krasniqi në linjë direkte për emisionin “Gazeta” të Kanal10.