Policia e Kosovës tha se pas raportimit se ka të shtëna me armë zjarri gjatë një ahengu në rrugën “Sheshi i Arbërit” në Prishtinë ka dalë në vendngjarje dhe ka gjetur 34 gëzhoja të plumbave.

Policia tha se ka kontrolluar edhe shtëpinë ku është mbajtur ahengu, por se s’ka gjetur diçka të dyshuar.

“Rr. Sheshi i Arbërit, Prishtinë 18.07.2025 – 12:30. Raportohet se gjatë një ahengu ka pas të shtëna me armë zjarri. Në vendin e ngjarjes kanë dalë njësitë policore ku kanë gjetur dhe konfiskuar 34 gëzhoja ndërsa, gjatë kontrollit në shtëpinë ku është mbajtur ahengu nuk është gjetur asgjë e dyshuar. Rasti nën hetime”, tha policia.