Policia e Kosovës, ka njoftuar se një grua në Lipjan ka raportuar se një person i maskuar dhe me thikë ka hyrë në shtëpinë e saj për të kryer grabitje, raporton Gazeta10.

Në vendin e ngjarjes është konfiskuar një thikë ndërsa nuk është raportuar për persona të arrestuar.

“Lipjan 18.10.2022 – 10:46. Viktima femër kosovare ka raportuar se një person i maskuar dhe me thikë dyshohet se ka hyrë në shtëpinë e saj për të kryer grabitje. Në vendin e ngjarjes është gjetur dhe konfiskuar një thikë e cila dyshohet se i përket të personit të dyshuar.”, thuhet në njoftimin e PK-së.

Në lidhje me rastin policia është duke vazhduar hetimet./Gazeta10