Deputetja e Knessetit izraelit, Yasmin Fridman, në një prononcim ekskluziv për dokumentarin “Dhimbja që nuk harrohet”, ka falënderuar popullin e Kosovës për mbështetjen e dhënë pas sulmit të 7 tetorit ndaj Izraelit.

Ajo theksoi lidhjet historike mes popullit shqiptar dhe atij hebre, duke përmendur se gjatë Holokaustit shumë hebrenj gjetën strehë dhe mbrojtje te shqiptarët.

“Kosova ishte pranë nesh edhe në kohën e Holokaustit. Ju e mbrojtët popullin hebre dhe kjo nuk do të harrohet kurrë”, u shpreh Fridman.