Dy persona janë arrestuar në Istog nën dyshimin për dhunimin e një gruaje.

Lajmin e ka bërë të ditur Policia e Kosovës përmes raportit ditor të së hënës, shkruan Insajderi.

Të dyshuarit, sipas PK’së, janë dërguar në mbajtje teksa viktima ka pranuar tretman mjekësor.

“Istog 06.05.2026 – 09:02. Lidhur me rastin dhunim ndaj viktimës femër kosovare, janë arrestuar dy të dyshuar meshkuj kosovarë. Pas intervistimit me vendim të prokurorit të njëjtit janë dërguar në mbajtje. Viktima ka pranuar tretman mjekësor. Rasti nën hetime nga njësitë relevante”, thuhet në njoftimin e policisë.