Në emisionin televiziv “Adresa”, Arton Demhasaj ngriti shqetësime lidhur me mënyrën se si po zhvillohet gara zgjedhore, duke e cilësuar atë si të pabarabartë.

Sipas Demhasajt, një nga arsyet kryesore për këtë pabarazi është përdorimi i parasë publike nga partitë në pushtet, veçanërisht në periudhën para zgjedhjeve.

“Partia në pushtet po përdor diçka që nuk e kanë partitë tjera dhe mendoj që edhe zgjedhjet e 28 dhjetorit dhe këto janë të pabarabarta, sepse nëse je në pushtet dhe e përdor paranë publike, shpërndarja dy javë para zgjedhjeve e bën garën të padrejtë”, u shpreh ai.