Kryeministri i Kosovës, Albin Kurti, sot gjatë vizitës në Londër, takoi Sekretarin për Punë të Jashtme në hije të Partisë Laburiste në Mbretërinë e Bashkuar, David Lammy.

Kurti e njoftoi Lammyn për sukseset, planet dhe sfidat e Kosovës në rrugën e saj progresiste, evropiane dhe euro-atlantike.

Përmes një njoftimi për medie, bëhet e ditur se ata kanë diskutuar për rrethanat aktuale të politikës ndërkombëtare dhe për bashkëpunimet dypalëshe.

Lammy ceku që përkrahja e Partisë Laburiste nuk ka munguar kurrë për Kosovën, sidomos që nga kryeministri Tony Blair e deri më sot.

“Ky bashkëpunim do të vazhdojë dhe forcohet edhe më tutje kur Partia Laburiste të qeverisë me Mbretërinë e Bashkuar”, tha Lammy.