Kryeministri në detyrë, Albin Kurti, e priti në takim ministrin e Deleguar për Evropë të Francës, Benjamin Haddad.

Tash për tash nuk është dhënë ndonjë njoftim për këtë takim.

Haddad i shkoi në zyrë Kurtit pas takimit me ministrin në detyrë të Punëve të Jashtme, Glauk Konjufca.

Haddad pas takimit me Konjufcën nënshkroi pesë marrëveshje, ndërsa, në konferencë për media tha se Franca do të vazhdojë ta mbështesë Kosovën në rrugën e saj drejt anëtarësimit në organizatat evropiane.