Aleanca ka paralajmëruar kallëzim penal ndaj kabinetit qeveritar në detyrë, siç ka thënë për “vendimet e kundërligjshme të mbledhjes së fundit”.

Shefi i Grupit Parlamentar të Aleancës, Besnik Tahiri, në konferencë për media, të hënën, tha se mbajtja e funksioneve të dyfishta të shumicës së kabinetit qeveritar Kurti është në kundërshtim me Ligjin për qeverinë.

Krahas kësaj, ai përsëriti se nuk do të shkojnë në takimin e nesërm të thirrur nga ushtruesja e detyrës së presidentes, Albulena Haxhiu.