Një person është sulmuar fizikisht dhe me thikë të dielën mbrëma në Skenderaj.

Policia e Kosovës po e heton rastin si “vrasje në tentativë”.

Sipas raportit 24-orësh, ngjarja ka ndodhur rreth orës 22:20.

Dy persona dyshohet se e kanë sulmuar viktimën fizikisht dhe me mjet të mprehtë.

“Është raportuar se viktima mashkull kosovar është sulmuar fizikisht dhe me mjet të mprehtë, thikë, nga dy të dyshuar meshkuj kosovarë”, thuhet në raport.

Viktima ka marrë trajtim mjekësor, ndërsa për rastin është njoftuar prokurori.