Ish emisari i Shteteve të Bashkuara të Amerikës për dialogun Kosovë-Serbi, Richard Grenell, e ka akuzuar ish kryeprokurorin e Gjykatës Speciale, Jack Smith, për dëmtimin e reputacionit të Hagës, raporton Gazeta10.

Grenell ka thënë se Smith nuk ka busull morale.

Ai ka thënë se ka tentuar që ta kap qe një kohë ish presidentin Donald Trump dhe se atij nuk i intereson që gënjen për këtë qëllim.

Këtu keni statusin e tij.

“Jack Smith nuk ka busull morale. Ai ka tentuar ta kapte Donald Trumpin qe një kohë – dhe nuk i intereson që gënjen për ta arritur këtë qellim. Ai e ka shkatërruar njëherë e përgjithmonë reputacionin e Hagës – dhe po, unë e kam një histori që kam për ta treguar për të”, ka thënë Grenell.

Kujtojmë se ish kryeprokurori i Gjykatës Speciale, Jack Smith, ka dhënë dorëheqje ditë më parë nga ajo detyrë dhe tani është i përfshirë në hetimet ndaj ish presidentit Donald Trump.  / Gazeta10