Të hënën në Gjakovë, është arrestuar një person për mbajtje në pronësi, kontroll ose posedim të paautorizuar të armëve, raporton Gazeta10.

Stacioni Policor në Gjakovë, derisa iu kishin përgjigjur dhe ishin duke hetuar një rast për dhunë në familje, në vendngjarje në posedim të të dyshuarit N. N., mashkull i lindur në vitin 1951, kishin gjetur një pistoletë me një karikator dhe 15 copë fishekë të cilat i dyshuari i posedonte në mënyrë të paautorizuar.

“Arma dhe municioni janë konfiskuar si prova materiale, ndërsa me vendim të Prokurorit të Shtetit, i dyshuari është ndaluar në mbajtje për 48 orë dhe ndaj tij është iniciuar rast ‘Mbajtje në pronësi, kontroll ose posedim të paautorizuar të armëve’”./Gazeta10