Pas fatkeqësisë hekurudhore në Greqi, ministri i Infrastrukturës dhe Transportit Kostas Karamanlis dha dorëheqjen.

Kështu bën të ditur gazeta greke Kathimerini.

“Kam disa vite që jam në politikë, por e konsideroj si element të domosdoshëm të demokracisë sonë që qytetarët e vendit tonë të kenë besim në sistemin politik. Kjo quhet përgjegjësi politike. Për këtë arsye jap dorëheqjen nga posti i Ministër i Infrastrukturës dhe Transportit, këtë e ndjej për detyrë të bëj si një shenjë minimale e respektit për kujtimin e viktimave”, tha ministri në një deklaratë.