Kryetari i Lidhjes Demokratike të Kosovës, Lumir Abdixhiku, ka reaguar për zhvillimet e fundit në vend, ku ka mbështetur reciprocitetin me Serbinë si dhe ka dënuar veprimet destabilizuese në veri, shkruan Gazeta10.

Duke shprehur mbështetjen e tij për reciprocitetin me Serbinë, Abdixhiku ka thënë se kjo është e drejtë e çdo shteti sovran.

Tutje, Abdixhiku ka dënuar sulmin ndaj Policisë së Kosovës në veri të vendit.

I pari i LDK-së, Lumir Abdixhiku, ka thënë se koordinimi me aleatët ndërkombëtarë të Kosovës është esencial.

Këtu keni statusin e tij të plotë:

“Mbështesim angazhimin e institucioneve të Kosovës për shtrirjen e ligjshmërisë në gjithë territorin e Republikës. Reciprociteti është e drejtë e çdo shteti sovran.

Dënojmë sulmin ndaj Policisë së Kosovës dhe forcave të sigurisë që ushtrojnë detyrën e tyre kushtetuese në veri të vendit. Mbështetja për ta është domosdoshmëri.

Koordinimi me aleatët tanë ndërkombëtarë në parandalimin e çfardo provokimi nga Serbia brenda territorit të Kosovës është esencial. Në këto momente, Kosovës i duhet stabilitet, ligjshmëri dhe siguri”, ka shkruar Abdixhiku në llogarinë e tij në Facebook. / Gazeta10