Analisti politik, Adrian Çollaku i ka shpjeguar deklaratat e Kurtit në dy aspekte, në atë të brendshëm dhe atë të jashtëm, shkruan Gazeta10.

Ai ka thënë se në rrafshin e brendshëm Kurti nuk është duke qeverisur fare, si shembull e ka marrë mungesën e investimeve kapitale.

“Në dy aspekte duhet të lexohet deklarata e z.Kurtit. Në aspektin e brendshëm Kurti në fakt nuk qeverisë hiq. Jemi në muajin e 8 e vetëm 11% e buxhetit është shpenzuar për projekte kapitale, pra flasim për një mosqeverisje”, ka thënë Çollaku në Politico me Kushtrim Sadikun në Kanal10.

Tutje, Çollaku, ka thënë se Kurti me Vuçiqin, po shkojnë qëllimisht në ekstreme për ta arsyetuar më lehtë një marrëveshje të mundshme.

“Z.Kurti bashkë me Vuçiqin po shkojnë në ekstreme atje që nesër nëse i afrohen marrëveshjes, të thonë ne iu shpëtuam nga lufta dhe e arritëm marrëveshjen”, ka shtuar ai. / Gazeta10