Autori i dokumentarit “Beteja me radikalizmin”, Arben Ahmeti ka shpjeguar në “Politiko” përmbajtjen e dokumentarit që do të transmetohet pas pak, në Kanal10.

Ahmeti tha se dokumentari që është prodhim i TV Kanal10 dhe i mbështetur nga ambasada e SHBA-ve në Prishtinë, shpërfaqë se si terrorizmi tashmë ka kaluar, dhe se bota aktualisht është duke u përballur me një radikalizëm të ri, shkruan Gazeta10.

“Kemi qëndruar për disa javë në SHBA. Kemi pas mundësi me taku protagonistë të ndryshëm të cilët kanë folur për betejën e vazhdueshme që i bëhet vlerave perëndimore dhe SHBA-ve. Ajo çfarë dokumnetari shpërfaqë dhe që do të japë një dimension të ri të diskutimeve dhe debateve, tregon se nëse në dy dekadat e fundit prej kur kanë ndodhur sulmet e 11 shtatorit 2001, sa herë është folur për armikun e perëndimit, në mënyrë direkte është asocuar tek terrorizmit që ka lindur si rezultat i radikalizmit fetar. Në vitet e fundit kjo ka ndryshuar, dhe në dekadën e ardhshme, ky lloj radikalzimi nuk ekziston më në SHBA. Dhe, mendohet që bota është kthyer në armiqësitë e herëshme të fuqive të mëdha.”, tha Ahmeti mes tjerash në Politiko./ Gazeta10