Në emisioni Politiko Speciale në Kanal10, drejtori i Kanal10, Arben Ahmeti, ka thënë se ky television do ta ketë fjalën e fundit të teknologjisë, raporton Gazeta10.

Ahmeti fillimisht ka treguar se si ka shkuar rruga deri në gjetjen e objektit të ri.

“Objekti ka qenë fat, ka qenë e çuditshme mënyra se si erdhëm deri tek ky objekt. Unë edhe Fidani në fakt e kishim parë kur ka filluar të ndërtohet ky objekt”, ka thënë ai.

Tutje, Ahmeti ka thënë se pjesë e kësaj rruge është edhe një berber. E ndan me publikun edhe këtë pjesë.

“Po e ndaj rrëfimin publikisht, isha tek berberi një ditë dhe berberi më teke thotë duhesh me shku me e pa një objekt se e di ku është i mirë, as që e kam pasur idenë se e ka pasur fjalën për këtë objekt”, ka vazhduar tutje Ahmeti.

I pari i Kanal10, Ahmeti ka thënë se kanë investuar shumë në teknologjinë që do ta ketë Kanal10.

“Ne do të jemi me teknologjinë më të avansuar televizive në Kosovë. Do të jemi me 4G, me sinjal Z. Ne jemi më të rinjët dhe e kemi marrë fjalën e fundit të teknologjisë”, ka thënë ai. / Gazeta10