Një aksident me pasojë vdekjen e një pasagjereje dhe dëmtimin e tre të tjerëve ka ndodhur rreth orës 17:10, në kryqëzimin e fshatit Gramëz në Fushë-Krujë.

Automjeti me drejtues shtetasin e Shqipërisë N. R., rreth 73 vjeç, është përplasur me automjetin me drejtues R. M., rreth 22 vjeç.

Nga aksidenti, siç raporton A2, ka vdekur T. L., 65 vjeçe, u plagosën dy drejtuesit e automjeteve, si dhe një këmbësore, të cilët ndodhen në spital jashtë rrezikut për jetën.

“Nga aksidenti ka humbur jetën shtetasja T. L., 65 vjeçe (pasagjere në automjetin me drejtues shtetasin N. R) si dhe janë dëmtuar të dy drejtuesit e automjeteve dhe një këmbësore shtetasja A. S., rreth 40 vjeçe, të cilët ndodhen në spital, nën kujdesin e mjekëve, jashtë rrezikut për jetën”, thuhet në njoftimin e policisë shqiptare.