Gazeta10

Alica Kearns sërish zgjidhet deputete e Parlamentit britanik

Konservatorët britanikë pësuan një disfatë kolosale në zgjedhje dhe qeveria e re e Britanisë së Madhe do të formohet nga Partia Laburiste, por me gjithë kolapsin e partisë, Alicia Kearns, e cila u dallua në lidhje me çështjet që lidhen me Ballkanin Perëndimor, arriti ta ruajë vendin e saj në parlament.

Alicia Kearns fitoi vendin e zgjedhjeve të përgjithshme në Rutland dhe Stamford me 21,248 vota ose 44 për qind. Ajo është përfaqësuesja e parë në zonën e sapoformuar, e krijuar gjatë rishikimit të kufirit të vitit të kaluar.

“Në katër vitet e fundit, unë nuk kam marrë asnjë pjesë të komunitetit tonë si të mirëqenë dhe në prag të zgjedhjeve nuk mund të kishim bërë më shumë. Ne trokitëm në dyer e të gjithëve pavarësisht kushteve të motit – breshër dhe djegie nga dielli. Pesëdhjetë për qind e zonës elektorale është një zonë e re dhe e vështirë për mua kur njerëzit nuk e dinë se kush je”, tha Kearns.

Numri i përgjithshëm i votave në atë zonë ishte 48747, nga të cilat 170 fletë votimi me defekt. Në zgjedhjet e dhjetorit 2019, Kearns fitoi vendin e Melton dhe Rutland me 63 për qind të votave.

Në mandatin e mëparshëm, Kearns ishte kryetare e Komisionit për Punë të Jashtme të Dhomës së Komunave të Parlamentit të Britanisë së Madhe dhe shpesh komentonte ngjarjet politike në Kosovë.

Ajo gjithashtu zhvilloi një sërë takimesh me zyrtarë politikë të Kosovës, duke përfshirë presidentin Vjosa Osmani dhe kryeministrin Albin Kurti.

Në aktivitetet e saj, ajo vazhdimisht theksoi rreziqet e destabilizimit në Ballkan dhe shprehu mbështetjen për Kosovën.

Kujtojmë se më 4 korrik, ajo deklaroi në parlamentin britanik se serbët po i kontrabandonin armët nga Serbia në Kosovë me autoambulanca dhe se ato “deponohen” në ambientet e Kishës Ortodokse Serbe.

“Në Qeveri [të Britanisë së Madhe] janë të vetëdijshëm, me ushtarët që sapo janë kthyer nga shërbimi në KFOR, se armët po kontrabandohen përmes kufirit në kishat ortodokse me autoambulanca. Kur trupat tona përpiqen të marrin leje për të shkuar t’i marrë ato, lejet zgjasin shumë. Deri në momentin që merret leja, shih befasinë, autoambulanca shfaqet në kishë dhe nxjerr përsëri armët”, kishte pohuar Kearns.

NË FOKUS

polici serb
Bashkëshortja e policit të plagosur në Lloznicë, zbulon detaje të reja
plaku-600x360
“Mu afrua dhe më pyeti”, mediat serbe thonë se ky është personi i fundit që kontaktoi me Faton Hajrizin
IMG_3764
“Në kamerën e dyqanit të tij…” – zbulohen detaje të tjera se si pretendohet se u kap Faton Hajrizi
Faton12
A e dini që e dashura e Faton Hajrizit, është vajza e komandantit të njohur të UÇK-së?
fatonn
Orët e fundit të Faton Hajrizit – sa kilometra i bëri nga vendi ku dyshohet se e vrau policin deri te fabrika ku u strehua
pamjee
Publikohet fotografia e Faton Hajrizit të vrarë
lloznice
Dëshmitarët okular tregojnë se çfarë ka ndodhur mbrëmë në Lloznicë
Hh
Flet e dashura e Faton Hajrizit: Pa e pa trupin e tij nuk besoj që ka vdekur