Ambasadori i Bashkimit Evropian në Kosovë, Tomas Szunyog ka ngushëlluar sot familjen e viktimave nga vërshimet në Pejë.

Në një postim në Twitter, Szunyog ka thënë se është shprehur i pikëlluar thellësisht nga humbja tragjike e dy jetëve në Pejë.

“I pikëlluar thellësisht nga humbja tragjike e dy jetëve nga përmbytjet në Pejë mbrëmë. Ngushëllime të përzemërta familjes së viktimave, shërim të shpejtë të lënduarve. Falënderoj për reagimet e para, policinë dhe FSK-në”, ka shkruar Szunyog.

Nga vërshimet e djeshme në Pejë, për pasojë kanë humbur jetën një djalë pesë vjeç dhe nëna e tij.

Sipas Policisë, nëna fillimisht është zhdukur, por është gjetur pas kërkimeve të ekipeve policore në lagjen “Asllan Qeshme”.

Deeply saddened by the tragic loss of two lives due to flooding in Peja/Peć last night. Heartfelt condolences to the family of the victims, speedy recovery to the injured &prompt recovery of the affected area. Thank you to the first responders, the police & KSF. 🇽🇰 🇪🇺

— Ambassador Tomáš Szunyog (@EUAmbKS) June 25, 2023