Ministria e Kulturës, Rinisë dhe Sportit ka njoftuar se “Andrrat e thyera” është murali i ri që i është shtuar Prishtinës, raporton Gazeta10

Ky mural i dedikohet të gjitha vajzave dhe grave që janë vrarë nga burrat apo partnerët e tyre.

Tutje, në njoftim thuhet se ky mural është përpjekje për t’i sfiduar normat dhe steriotipet që e arsyetojnë dhunën.

Ky mural është realizuar nga Qendra Kosovare për Studime Gjinore bashkë me artisten/piktoren Fitore Berisha Alisdottir.

Këtu keni njoftimin e plotë:

“Arti si mjet për reaguar ndaj problemeve shoqërore

Prishtinës i është shtuar një mural i ri përmes së cilit synohet të ngritet vetëdija për vrasjen e grave dhe dhunën me bazë gjinore. “Andrrat e thyera” u dedikohet të gjitha grave dhe vajzave që janë vrarë nga burrat apo partnerët e tyre.

Veprat e tilla të artit janë një mënyrë e fuqishme për të bërë të dukshme çështjen e vrasjeve të grave, dhe për të sfiduar normat dhe stereotipet që e justifikojnë dhunën e që janë të rrënjosura thellë në sistemin patriarkal në Kosovë.

Murali është realizuar nga Qendra Kosovare për Studime Gjinore së bashku me artisten/piktoren e mirënjohur Fitore Berisha Alisdottir,

ndërsa projekti është mbështetur nga Ministria e Kulturës, Rinisë dhe Sportit, Komuna e Prishtinës dhe UN Women” thuhet në njoftimin e tyre. / Gazeta10