Ankesa e adresuar për kabllot e shtyllës elektrike në Podujevë, përmes televizionit Kanal10 u transmetua edhe tek KEDS-i.

Lulëzim Krasniqi, zëdhënës i kësaj kompanie tha se një ekip do të dal në terren, teksa shtoi se përmes fotografive të shtyllës identifikoi edhe kabllo të operatorëve tjerë.

“Po, është hera e parë që u dërguan disa foto që qartësojnë se për çka bëhet fjalë. Ajo çka na është ofruar neve janë dy foto të shtylle, e cila dorën në zemër është kogja e ngarkuar. Por, nëse e shikojmë më kujdes, aty më së paku ka kabllo të energjisë elektrike sepse shumë prej tyre janë kabllot të internetit e të ndriçimit për çka është përgjegjëse komuna. Sidoqoftë një ekip i KEDS-it do të dal në vend për ta verifikuar gjendjen e asaj shtylle dhe varësisht nga nevoja do të veprohet“, tha Krasniqi, raporton Gazeta10.